Pushpa 2: The Rule: పుష్ప 2: ది రూల్ విడుదల కోసం తెలుగువాళ్లే కాదు, యావత్ భారతదేశం ఆసక్తిగా ఎదురుచూస్తోంది. క్రియేటివ్ జీనియస్ సుకుమార్ దర్శకత్వంలో ఐకాన్ స్టార్ అల్లు అర్జున్ నటించిన ఈ యాక్షన్ డ్రామా మరోసారి హెడ్లైన్ వార్తల్లో నిలిచింది.
హిందీ థియేట్రికల్ రైట్స్ను AA ఫిల్మ్స్ అత్యధికంగా రూ. 200 కోట్లతో ఇప్పటి వరకు ఏ తెలుగు సినిమాకీ రాని అత్యధికం బిజినెస్ ఇదే. ఇప్పుడు తాజా సంచలనం ఏమిటంటే ప్రముఖ OTT ప్లాట్ఫారమ్ నెట్ఫ్లిక్స్ డిజిటల్ స్ట్రీమింగ్ హక్కుల కోసం రూ. 275 కోట్లు ఇచ్చి కైవసం చేసుకొంది. ఇది నిజమైతే పుష్ప 2 అపూర్వమైన కొత్త రికార్డు సాధించి ఇప్పటి వరకు తెలుగు సినిమాకి సంబంధించి అత్యధిక OTT డీల్ను సాధించి నట్టే.
పుష్ప 2లో రష్మిక మందన్న, ఫహద్ ఫాసిల్, సునీల్, జగదీష్, అనసూయ భరద్వాజ్ మరియు ఇతరులతో సహా సమిష్టి తారాగణం ఉంది. దేవి శ్రీ ప్రసాద్ స్వరాలు సమకూర్చిన ఈ మెగా మూవీకి మైత్రీ మూవీ మేకర్స్ నిర్మిస్తుంది. ఇటీవల విడుదలైన టీజర్ ఆన్లైన్లో రికార్డు సృష్టించింది మరియు పుష్ప రాజ్ పాత్రలో అల్లు అర్జున్ అద్భుతమైన నటనను చూసేందుకు సినీ ప్రేక్షకులు ఆగస్ట్ 15, 2024 కోసం ఆసక్తిగా ఎదురుచూస్తున్నారు.
